Pedopasade
(Los nombres están en cursiva)
Diri, dejai, guebei –ore úringane pedópasa:
Ajatiguei Étacõri, Jicai Chiquenoi, ga ore guiyé cuchade iji erámone. Ga ore chicai ti, ga ore chise diri eruei. Mu chi Chiquenoi chacája. Doi guesi, ga chacája. Ga ore chise diri.
Étacorone ore chise dejai eruei. Étacorone, Ajatiguei chajuque dejai.
Jicai chajuque ijnangunua. Ajatiguei ga chise diri tudé iji uéchai. Étacõri chejna direcaringuei aja re ga edópasade u.
Chiquenone ore chise guebéode ga ore chejna aja re ga edópasai u.
Echoi –úringai pedopasa:
- Picanerane ore gajneque echoi iji Paraguay.
- Chiquenone ore gajneque echoi iji Bolivia.
Echoi garané tu cheque bajé nanique:
Chi chequé charẽi dutuedie. Ga tṍra dacaranone aja, ga uneripise. Mu jorane que chiraja garãtique cucha ga uneripise ãraquegode.
Ájnamone chojninga: “Yiroco Codé. Ga yajico isocáringome jne.”
Ájnamone ore chajire mu tṍra dacaranone aja daraquegué dutuei. Ga uniripise ichagája ga quene ore chiraja isocai. Ga chi uaté toi enga echoi garané tu uaté.
Dire ejoi jnani bajade ga Ducarajámené, Sugácadé chucué ga ore chise. Ga di údi ga chojninga: “Yise cuchábi ipeya echujna uaté.”
Ga acoté chãrei dutuedie ga chumute gai ga uneripise. Ga ore neronie chojninga: “Ducarajámedaté, asi yóguiji to ga yumuco yocãraqueguedie gai.”
Jé u uje Picanerane cho dedópasade iji uje Picaneré diyaque. Ore chajmárapúsu.
Igabi (Guidáyode)
Igabi u uje Bolivia, Paraguay ore chujé ñane ga ore chijna aja re Paraguay gosode.
Ga uacáquiode ore chopise darása ñane iji Igábi. Bolivia eduguéjna cuchábi u Ajugorócuchátique.
Paraguay eduguéjnane u: Sugácadé Picanerai. Presidente yuminóri tu. Ducarajámené ga guidoboi charisṍri u Yacamaque. Chiqueno Yacamaque.
Ore guiyaque cuchárique ga ore cho dedópasade iji:
Ore chãraque dedopasade ome ñane.
Oidábiadé – Campo Loro, Paraguay – 1988.
Marina de Morarie churúsãre Oidábiadé atatagode udojo nanique.
