Togábi
Ore chujé Togábi nanique:
Jnani bajade ore chujé Togábi nanique uje i uñai u Goródedé. Ga chi ore chujé. Ga chi daijna ujopierãque uté nanique. Ga chi Ucatédé (ore asuté), jõrai Baráyudé ga ore u uje ore chujé Togábi.
Ore chujé ga chi juticai tõraji ga chigase Ucatédé etarúdi ga chicha ijmaradatei aja etarúdi. (Ga chi i tu Togábi juticai.) Ga jõrai tu Baráyudé ga uñai tṍraji ga chigase Baráyudé etarúdi. Ga chi jé u uje chicha ijmaradatei aja etarúdi.
Chi Togábi chejnárase ore ome gue tṍrai:
Uje e ore chujé Togábi uté enga ore chisa uro Gorode. Ga Togábi chojningame daro: “¡Goro á! Ayoréode chujé yu. ¡Ore chujé yu! Ga abidina yamorayatique iji gaté, gue tṍra.” Ga gue tṍrai di iji ore.
Ga jé u uje Gorode jnusina uruode ga chi tibidina ga chojninga: “¡Iapá! Aya, uje ore chisa yu diríca que.”
Ga ore chojninga: “Goro á, be abidina bayé jeta urúo.”
Ga tibidi ga chojninga: “¡Iapá, aya! ¡Ore chisa yu diríca é!” Ga chi jé u uje uruode udore enga cha guei, ga Gorode chiqueta darásade ome dayé amorañai guetṍra.
Oidábiadé – Campo Loro, Paraguay – 1988.
Marina de Morarie churúsãre Oidábiadé atatagode udojo.
