Yatatagode u Chugúpẽredatéi Adode:
Chi chugúpẽredatéi chise siqueré diringai casica. Mu chise corongóni arobé iji siqueré diringai. Ga chise mimiré, chisapo duchúbie iji rĩ, ga jé chise guejnai ujníerãi iji, ga chisapo cuguéode ujníerãi, ga jé u uje chi chajo dejnai.
Ga jé u uje chi chacáji dajopidi. Jé u uje chiese cucha garani u chugúpẽredatéi uje chaca cuchade ujníerane iji dajopídi.
Jé u uje jnani bajade chimo cuchade ga jé u siqueré diringai uje cucha ajñunie suéji siqueré diringai. Yocayode ore chatata siqueré adode uje chiese pacapiéraque ca noña jnutique.
Putáningai gajnéone u siqueré diringai uje chiese ca pacapiéraque ca noñáji jnutique.
Oidábiadé – Campo Loro, Paraguay – 1988.
Marina de Morarie churúsãre Oidábiadé atatagode udojo nanique.
