Tajerogué Chijñecare:
Yijñecarósi iji de. Chiese Ipeyai nero yu nanic. Gajnei marínga yipógu yachachagúgode quitic ome Uchiedie ejoi.
Yiyárási ua diríca mu yujnusina beronie uje ate goingane ome yu ga yijinapo ua rĩ. Yosirási yijíñome ua mu babepo yu iji gari rĩ. Que pujnusiétigarási ome yu. Yajire ua ga yosõre ua uje educadode tamuta jnumone ga yajniapója ua rĩ. Que pujnusiétigade déji yu. Jeta gusu jnacare ua ga yujnusirási ua. Jnacarode cachi uacaruábio ome gapúraque uyoque. Chiese ca bajnusi yu diríca mu bagarupo yu rĩ. Ũré uyu uje que yujnusirási ua. Bagota jõroque bãringai cojñoque dequejnangore pujnusiete ome yu. Ca yugúsi penochai nanique uje uacajuso yu. Que yujnusi uraque to.
Tajérogué – Tobité, Bolivia – 1960.
Joyce Davis Buchegger churúsãre Tajerogué iradedie udaji nanique.
