Pujnuine Chedo Queruidaté (Ojo):
Yijñecarósiabíji de. Chiese Jnaníné desaque yu. Uyu marínga yipógu yachachagúgode ome. Yujnusipísi Ojo mu que yajna. Jé yajnemirase diríca Ojo. Yijosa yujóric jnacare uje cha ucaningongoningajnai. Pijnate gonigai. Pijnáte quite uje que pojna. Yáyipie déji Ojo ome ore acoté. Pujnuidaté pojna yu. Jé yujnusiétigáde. Yibaque diríca. Yiji yocade. Yáyipie chachẽ́re Ojo. Cachi déji gari iji degúi. Teráji gu ga chisi ome dajoranie urejnanie ore uje caniré enga ore chirajúraja.
Pujnuiné – Tobité,Bolivia – 1960
Joyce Davis Buchegger churúsãre Pujnuine iradedie udaji nanique.
