Pujnúcabi Chijñecãre:
Yijñecárosi iji de. Yisapie ayoré yocuyábi Pejnócode iji siñeque. ¿Tangári yu jõ a? Yise Rincón ga yajire cucarani ga yujnusipise Pejnócode, Pédrode ore. Dire gajnerĩ ga yajni to gajnerĩ aja Tobité. Cho jeta urugu yu iji jnutígo jeta ca yĩri ga yejna guedosírigo aja Tobité yui. Uneripise guidai yui, Tobité. Chaguhei chejna yu mu yagu ore potígo gajnerĩ. Chi íjnoque jnusiétigade ome. Chise Portón ga unere guidai yui. Jé uneripise guidai yui jeta yagu ayoréode yoquesai Cucójnai, ayoréode dacuyábi Pejnócode ore posode.
Pujnúcabi – Tobité, Bolivia – 1960
Joyce Davis Buchegger churúsãre Pujnúcabi iradedie udaji nanique.
