Ore terãchu ga ore chapuse dejade aja ome dáringane deyácho:
Ore erane u Dosapéode, ga ore tujúa dáringai deyácho.
Picanerane ore erane u Tarajane, Umarajane ore ga ore tujua dáringane deyácho.
Chiquenone ore erane u Ugájnane, ga ore tujua dáringane deyacho – Chiquenone ore erãcho Jucaramenie to.
Étacorone erane Étacorojnane, ga ore tujua dáringane deyácho.
Ore terãchu ga ore chisa dejai gatócoro ome.
Yoco jiame piradedie, perane.
Deyaquechoquíode ore tujua Tarajane iji dejaque uñai, dejaque uñane ga ore tujua Umarajane, dejaque ejoi tujua Ugájnane.
Ga deyaquechoquíode chojninga: ‘Yujua perane jnese uje deyaquechoqui yu gu.’ Dejaque ejoi ga tujua Jucaramenie, dejaque ejoi ga tujua Dosapéode. Dejaque ejoi tujua Étacorojnane.
Chequedie ore nijína deyaquechoquíode úringai deyaque ga diyajmenie ga ore chucãre dajudie; ga ore chiro dorájnui; ga ore chiro dora.
Jicai chojninga: ‘Yuguhese yerámone gai ga yisa peraque unejángone aja yerane.’
Uje deroco ga que pirijína ore. Mu ayoré iñeca unérone ore chijócãre moi tiji yoquedodie.
Icadiguédé, ore iroguebeque, ore chajmára iradedie.
Chojmárané, ore chajmára iradedie uje uneréjna.
Uchaidé, ore chajmára ga ore chiroque ome iradedie. Ore chiroque Mariadé to.
Carodidé, ore chiroque uje ore chajmára iradedie.
Ajidi, ore chiroque uje ore chajmára iradedie.
Imeseráné, ore chajmára iradedie ga ore chiroque Imeseráné.
Gapudie ore chedo dabayode uje ore jnusi ore gu, ga ore chijñecare ga ore chedo dabayode, ore jnusi ore gu.
Jnacarode ore chijñecare to uje ore jnusi dacotedie, ga ore chedo ore to uje ore jnusi ore gu.
Abechugué, ga cha ijñecacai, abechugué. Puyágome chequedie gu. Ore chijñecare ga ore todo jeta dago ore.
Uje chequéraque tṍra dabi nanique, ga chijñecárapo rĩ uje cana gaté gu.
Disiode ore chijñecare aja dasoránenie, mu que ore chijñecare iji dejai.
Oidábiadé – Campo Loro, Paraguay – 1988.
Marina de Morarie churúsãre udojo nanique.
