Joséde Chijñecare:
Yijñecari iji de.
Yedobu Guidabía (Osõrádaté). Yajnemia u disia iji de.
Yijõra, angári yu ga arate yu gajnerĩ ome yoquijõrai ore ga ore chirate yu gajnerĩ. Ca ajéchome yu gajnerĩ.
Yuságaja uñeque gajnerĩ uje yijñecaco, yedobu Tajerogue iji de gajnerĩ. Yisapie iji siñeque ga tangári yu ome dajnéone, dachachagúcho ga cho dáyugu gajnerĩ jõ iji siñec.
Yacoté chojninga: “Uacoyo dicasei iji uaque uje uacátayo uagaja ore iji degu quedéjnane. Jĩrique uaté tṍraja dabáyode iji degu quedéjnane.”
Yajni yeronie ore gari. Yo yáyugu uje chicha urõsode. Cojñone chujé ore ga jĩrique yajni yeronie ore gari. Yo yibaya ore ire garasórone cucha.
Joyce Davis Buchegger churúsãre Josedé iradedie udaji nanique iji Tobité, Bolivia iji 1960.
