Guie Iradé:
Posorajã Jonoine.Yo yáyugu yu uje Posorajã́daté, Jonoiné, cha yu. Yeteque jnacare gatode uje que chimo yucanongonie urupi bisidétique. Uje ore tujúna gueguerade bisidec uje que ore chujé ayoréric, cojñotic ore.
Jnusina Jonoiné uje Jonoiné chujépise caratade, cojñone, ayoréode ore, ga jé ũrepise uruode. Jé chopise uje cucha umusode. Jiei u jnese yugode.
Jnusina dajai uje Ayoré. Uásejna ore tagu yacorenie ga chosõripise dajai mu que iguiotique cuse ga ore gajnepíode garósi iji yacore. Chajire dajai. Chojninga: “Yajire bora póroro mu que gajnepítique cuse ga yosõripis.”
Áyipie déji Jonoiné uje abai ica mu e cha.
Guié – Tobité, Bolivia – 1960.
Joyce Davis Buchegger churúsãre Guié iradedie udaji nanique.
