Achinguirai Inóningáyatódie Cucha
Achinguirai chi inóningáyató erapurujnánguenie. Jõra tu gaco uje inoninga achinguirane. Jõrai tu yodi; achinguirai inóningáyasórone u yodi.
Ore chinguíra posode aja ayoré ga ore chinguíra gaco ujñarone ga que chequésãre gotique. Ore chinguíra erapujnángueníe ujñarone ga que chequésãre gotique. Achinguirane inóningáyató u gu.
Ayoré irajatade ore chiraja inóningáyasórone cucha ga ore chiqueta posode ayoré ore.
Ujñarone u ore uruode ga chubúchu ga tṍraji.
Daijnane ore chigase ga chijnímiiji posode ayoré. Daijna cuchábode ore. Ore iquetaque posode ayoré; ore chijnímiji ore gu. Pujopie garani dajnu ditáji ome jnacare bajade uje daijna ore. Ga ore tocade ga pujopie chiqueta raja ore iji dajnu ditáji ga daijna ore ga chijnímiji ore.
Chi daijnane ore chujé dajnu ditáji ga pujopie tṍraji ore ome ore enga jé daijna ore.
Sidode chijnime ore ga daijna ore. Ore chóji sidode otadi ga jé u uje chijnime ore ga daijna ore.
Uje daijnárique ujuya ga cho dajuñame ayoréode ga chequésãre ore ga ore chujé daijna ujuyarane.
Cajoidé – Campo Loro, Paraguay – 1985.
Marina de Morarie churúsãre Cajoidé atatagode udojo nanique.
