Cotade chojninga:
Yipota jetiga yisi ome yu ome Dupade to. E yẽra yu to. (Romanos 12:1)
Cótade chatata uje ore tṍraja yodi nanique:
Que yicadígui go uje don Juan (Howard Morarie), Germán (Sherman Miller) ore chaca yedodie iji yodi nanique. Yirasique Dupade Uruode to.
Chatata uje detei déji re:
Mu yetei déji yu uje que yicatecã́ri Dupade to go. Yirasique Dupade Uruode to. Mu que yicatecã́ripísi Dupade to go, mu yirasique, mu ejoi udé u uje e yẽra yu to ome Dupade. Yipota jetiga e guesája yui to. Yipota jetiga e guesája Dupade yui ome yu to. Uje e yẽra yu. E yẽra yu ome Dupade yuruode to. Yirasique Dupade uruode to.
Uje yetaque gu uje que yicatecã́ri Dupade to, mu ejoi udé u uje e yẽra yu to ome Dupade. Jecucha yicatecãcoi Dupade nanique, mu ejoi udé diríca ga, que yicatecãrápoi Dupade to rĩ. Mu ejoi upo rĩ ga e yẽra yu. Yẽra yu ome Dupade Uruode to iji de ejoi. Ipota gu jeta guesája gadoi to ome Dupade. Yipota jetiga jé Dupade sué iji yajei to jne.
Chatata uje abai chetaque uje chicáji conferenciadie:
Ujai jecucha chetaque yu ome ica uje yijo conferencia, mu yojninga: “Que uyu ua go, uje unejángue yu, ga yijo.”
Mu Ujai potarása ica ga chicáji conferencia to. Que pota to iji ejode udojo mu a déji to jne. Déji dínique to jeta pota Dupade Uruode to. E pota to gu. A irasé to jne. E pota iglésia gu jetiga e chise ajei. Chetaque ica mu e pota to.
Cotade e irasé re:
Que yetétique cuse go iji Dupade. Yirasiguipise. Chamáñaje e yicatecã́ri gu. (Santiago 4:8)
E gusu.
Cótade – Tobité, Bolivia – 1975
Marina de Morarie churúsãre Cótade uruode udojo nanique
