Chuque Pade ore Iñoñai
Yatata ayoré jnani bajade ore isocade uje ore chujé Pade ore iñoñai nanique:
Chi ayoré jnani bajade nanique ga chi ore chujé *Pade ore iñoñai.
Chi sumájningai jnué gáyode uje ore chejna dajéode aja guesi iji gai.
Chi Picanerane chi ca chijnime ore ãrírique. Posingórone u Picanerane ore iji erámi uje ore chosina dojode ayoréo aja erámi.
Ga jé u uje cucherãque uñane sumájningai sué ore. Ga ore chejna dajéode aja guesi iji Pade ore iñoñai gai. Jé u uje sumájningai sué ore gai; ore chejna dajéode aja guesi, ga ¡ore cho jérere!
Jé basa que ore chijnime Picanerane ore ãrírique.
Chi cucherane sumájningai sué ore gai ga ore chejna dajéode aja guesi iji darurui gai.
Sumájningai sué ore gai gu.
Que Picanerane que ore chejna dajénique aja guetique iji darurui gai.
Ore sué sumájningai gai gu.
*Pade – plural de pai, ga ayoréode uruode ome padre, sacerdote
Oidábiadé – Campo Loro, Paraguay – 1988.
Marina de Morarie churúsãre Oidábiadé atatagode udojo nanique.
