Borade – Asõrenie Ore
Borade udire, chi jnani bajade pésu jnatudie ga i tu boradie ome jnani bajade:
Ga chi ore jnome dajocaningai, jnani bajátigo, ga ore chigaru arurã́tadie Picanerai gai. Ga ore chimánaja, ga ore chigaru aja Chiquenoi gai, ga arurã́tadie déji Chiquenoi gai. Ga ore doi Dosapé ga ore chigaru arurã́tadie Dosapé gai. Ga ore doi Étacõri gai ga gusu ore – gagájni asutedie ome dajocaningai gai uje ore chimánaja arurã́tadie ore gai.
Ore chimate ore ga chetingãre asõrenie:
Ore chimate ore ga chetingãre asõrenie uje bajai u Picanerai, ga ore chisi ome Chiquenoi ga chetingãre asõrenie Chiquenoi gai. Dosapei u uje chetingare dasõrenie, ga chetingare Étacõri gai.
Borade, asõrenie pésu ore úringai dacasuté nanique, úringai pirosobádedie.
Que picasite Picanerane, jé aja Chiquenone, Dosapéode, jé aja Étacorone.
Cojñone, ore chejna. Ore sué diri gai, que ayoréode chujñieta ore uje dequejnangore ore gu.
Namacádedie
Darujna – ga ore churúsãre gai; ore chicha cucha pibosode iji údi.
Cutamuraja edópasa namacade.
Ore chutai ore ome cojñone jeta ore chujé.
Ore chãraque ejode ome disiode. Gusu jnanione iji údi. (Umaripise namacádedie.)
Oidábiadé – Campo Loro, Paraguay – 1988.
Marina de Morarie churúsãre Oidábiadé atatagode udojo nanique.
