Jnaníné Chijñecare:
Qué yedobu jnacarode acoté Chequé Dago. Chojninga: Ẽ́ yisapié yacoté gapu. Pujnucode déji sañeque ga tangári yu ga chirate yu. Ca chajéngome yu jne. Chiradirase yu iji dejode gajnerĩ, yacoté casé, Átapide.
Jé yijñecare iji de. Yedóbu jnacarode acoté, Chequé Dago. Chequé Dago chise yoquirengúi, ga Chequé Dago chijna yajnenie purúcho. Chãrágome.
Jnaniné uyu yojninga: “Ẽ́ Chequé Dago, ãrame yu. Yijina yurasade ore to. Deroco yui jeta tṍra yugúchade, yacoté. Babe yu gu,” yojningame Chequé Dago. “Be bajogadi gotique ga yimóji yijogadi. Jnani yu. Yabode déji degúi.”
Mu angoneparé Cheque Dago ga jé móji yari. Cheque Dago chojninga: “Jnaníné, ayague ga yico yijogadi ga yimóngo iji.”
Chequé Dago ajéode jno yúdi aja darásade ga ore urejanie ore chicha yu aja darásade uje jnacare pariguéjna yu. Que yijína aja urásade. Deroco yugúchade dacaranone yui jeta yijína Chequé Dago.
Jnaniné – Tobité, Bolivia – 1960.
Joyce Davis Buchegger churúsãre piradedie udaji nanique.
