Ecábi Chijñecare
Yijñecarósi iji de. Yedo Pijnagámia, Áquidaté. Yiji ome trabajando diríca mu e déji dasijnaringuei enga chojne daraqueguei café taja yibai. Jnacare urungap uyu. (Lloré) Yiya gapu pijoranie. Ca yijínapo ore jne, gapudíe to jne.
Yocaoi, yicagoi Rincón ica, mu Yocaoi jnusina Tobité ga chojninga: “Ecábi, yajníngo to. Yujnusipísi Tobité. Yajire cucaranone ga yujnusipísi Tobité.”
“Jé cho yu. Yajire cucaranone ga yujnusiétigade ome Tobité to, uje yoc-ucucaranone cachi u udore. Yise Tobité ga ca yicapo siñeque rĩ. Yujnusipísi gu.”
Yocaoi chojninga: “Jé cho yu, Ecábi á, ga ca yicapóji ti to jne rĩ.”
Yojninga: “Yujnusipísi Tobité. Cachi ca yimo pachamite quedéjnane. Deroco erámi iji pachamite quedéjnane. Yise Tobité ga unéri erámi jne jeta yajire cucarani. Yimate yu aja Tobité ga que yicapóji ti rĩ.”
Yocaoi chojninga: “Ecábi á, jé cho yu. A ca yicapóji ti to. Yejna sequeredie jiei iji Tobité.”
Ecábi – Tobité, Bolivia – 1960.
Joyce Davis Buchegger churúsãre udaji nanique.
