Pajñaminone
Ore tibidi ñane enga ore chojninga:
“¡Beyoi ga yicoi jobedayé á!”
Ore pésu dagué taja ga jé ore chijñecare aja jnese, ga ore chisa ñane jmanáyone. Ga jnacarode, gapudíe ore chapúse ñane aja. Abechugode ore doi to uje dago ore, mu chequedie que ore doi go.
Orichorájna ga cho uje jnacarode ore doi ‘pelota’ ga orichorájna to.
Ore chapúsaja esode, sequeredie ore jnese uje ore pésu jobedayé. Ore doi jobedayé ga ore pésu quigode. Ore pésu iji dejai uje cho diri. Ueradé ajárone ome, ore ajñamite gu, enga ore cãra daradedie ome ñane.
Ore pésu gu uje, yocajñamicho gu uje cucha oméjna ome yoque.
Cajoide – Campo Loro, Paraguay – 11 de octubre de 1985.
Marina de Morarie churúsãre Cajoide atatagode udojo nanique.
