Pasédaté urásade ore íode u udojo: Pasédaté ipísi u Tojúrua Picaneré. Uñaria i tu Toqué. Dajábi i tu Chicópode. Isoguié i tu Usúa.
Ducodégoto u Pasédaté. Abai bajai i tu Imocarãi ga ducosi chequésãre. Ducosi pos.
Daté ipísi u Ocojnamené Jnuruminé. Daté ica põ ga ajénique chequésãre. Dai ipísi u Yurané Picanerai. Choquíjnape dai nanique ga tosi ome. Pasédaté dajábi uñai qué eca ga déji Pai Idai ga gusúpúsu uté. Ipísi u Iringai nanique.
Abai iji deréjnane unojo i tu Dorojoi Chiquenori, Ojicureidé. (Apodo: Presidente.)
Pasédaté ipísi u Tojúrua ga i tṍraji unojo: Ujeta jnanírique tṍra dacoté ga chijnoque dagúchade ga chiretási depé ga chósi ‘tojúruru’ aja dajesua.
Yoquibosode:
Yiméco doridie ica ga yijmóco. Yicaruaco dajudíe. Yipéco cutérone iji monte. Yibájo ga yijnójo cutérone. Ga yijínango yocabayode uje ore bac.
Ité ore chimere doridie to. Yijóchago chicórone to.
Yijárogo damini aja pucutadé iji mimiré ajñunie, jé aja dutuedie ajñunie rĩ. Paraquedie uje yijárogo cucha ajñunie. Yipéco echoi.
Uneréjna yacorenie arione, yajóguedie. Ore chibore yajóguedie. Yijóchagome. Ore chiqueta ejo tome. Ore chedu chanúone aja ejo, pidode. Yocade, yoca ajámone u apiejnane ga yipéco.
Uje uajácho dosipéode ga yarengoi. Cobéode, mu jé yajo.
Dachabeque piracadie nanique. Cojnanie ore chiro dopéode ga ore chátaja peroguedie.
Pasédaté – Campo Loro, Paraguay – 1988.
Marina de Morarie churúsãre Pasédaté atatagode udojo nanique.
