Jé yatata yadode to iji de:
Que yadode déji móntedie to nanique; yadode jogadi udé Tobité.
Yetaguipise Dupade nanique:
Yetaque Dupade nanique, yetaguipis. Que yo yujodie chequei to go uje jĩrique ore irasique Dupade. Yetaque nanique, yetaguipis.
Yujé yabode:
Yujé yabode. Gare yabode uje yujé ore.
Eva chojningame yu: “Dapuré á, ¿adute Dupade Uruode a?”
Mu yojninga: “Eva, que yudute Dupade urúrique go. Íjnoque Dupade.”
Eva narárome yu. Chojninga: “Anire, Dapuré, ¿arajá ya uje Dupade cus, ga déji gaté?
Mu yojninga: “Eva, yiraja ãrie, mu que Dupárique cuse go. Íjnoque gaté; idája. Idája gaté ga que Dupárique cuse go.”
E yangureta Dupade:
Mu jé ore chiraja to, chequedíe, yujodie chequei ore, uje jé upo uje yangureta Dupade to rĩ ica. Uje que urénga déji yajei. Ore tṍra yu aja yodi. Yojninga: “Yi jne ga yangureta Dupade to jne.” Ga e yangureta Dupade Abi ore.
E yicatecã́ri Dupade:
Señora Marina chojningame yu: “Dapuré yá, ¿jé areque a ujetiga acatecã́ri Dupade?”
Yojninga: “Señora Marina, jé areque, yicatecã́ri jne.” Ga e yicatecã́ri.
Chojningame yu: “Ueradipis ome yu uje bacatecã́ri Dupade. Aya badode to jne. Ca ajepo babode jne rĩ.”
Ga yiya. Yiya yadode. Yiya yadode ga yangureta Dupade; yanguretapise. Yangureta. Ga unere yui ome yu. Que yiya go Dupade Uruode go.
A Señora Marina chudute jne udojo yuruode uje que yiya go. Señora Marina ujetiga a cho dáyugu re jne ujetiga yiyárasa. Mu a irasé re uje chudute uje que yiya go Dupade urúrique go. Jecucha yicoi iji domíngo jne. Mu ejo iji te uje e yicopoi rĩ iji de sábado.
Mu qué chequedie uyoque yipojnángo ñane iji yoquidai udé:
Ejode ga Yúni chojningame yu ica: “Ité yá, arajayorase Dupade urúrique. Jecucha uacapojnáño chequedíe. Gusu Davidaté uje que pojna chequedíe to go.” (2 Corintios 5:17)
E gusu yuruode.
Dapuré – Tobité, Bolivia – agosto de 1975
Marina de Morarie churúsãre Dapuré uruode nanique
