Uté, yubúchu gojñane iji monte casodica uje chiqueta ayoréode, ga puyácho to:
Chugúpẽri adode u. Uje chujé ayoréode, mu ayoréode yiquetágopíse yocurasade to, chugúpẽri yugode ayoré iji móntedie. Ga erásõri jec u de ica ga adode u uje jé cho dajñáre iji udore:Doi uje yobéco erámi, uje yobéco erámi iji ti uje yicoi dejábi atíamone. Ga yipotingáco iji ti. Uje cho dajñáre. Yijnángo ti guesi uje cho dajñáre. Ga jé cho dajñáriji, ga yicagoi ta.
Cho dajñáriji uje yacágo ducayode. Yacágo ichade, ducayode, cóbidie ore. Jé cho dajñáriji to.
Cho dajñáriji udore uje yurúgome udaque yoquibáyode ga adi tu ome gueguerade. Cho dajñáriji to gueguerade.
Ga yejnángo guesi ga yicoi udore uje yejnángo yocate ichádaja, utébeode. Uje yacágo cuchárigaja to. Ga chojninga: “Cuchárigo a chichaga raja yu é. Cuchárigo a chichaga raja yu é.”
Uje yijnójo yocutaidode, yocate omone u. Uje cho dajñariji.
Jé cho dajñariji uje que yiborárique pirac. Uje que yiborárique pirac. Ga chisi ome yoque to. (Jé adi turásu Dupade adi.) Mu chisíome daborade ome yoque to uje que pirac.) Uje cho dajñáriji. Uje tẽrája ayoréode to. (Adi jé urásu Dupade adi to. Uje adi urásu.)
Íquide – Puesto Paz, Bolivia – 1976
Timoteo Wyma churúsãre Íquide atatagode udojo
